Gro Randen har funne eit lite eventyr frå 1898, skrive av den då 12 år gamle Olav Sletto. Truleg er dette det fyrste Olav Sletto fekk på prent, skriv Arne Skogheim i ein kommentar til dette vesle eventyret. Gro Randen står for utstillinga som Hol museum har laga i høve Norsk Barneblad sitt 125 års jubileum i år. Skogheim har også forsynt Olav Sletto-selskapet med eit stykke Olav Sletto skreiv i Joletre i 1909, «Rjupeungarne» , det året han debuterte med «Dei gamle».

Daa Oskefis var diktar av Olav Sletto, No. Barneblad 22-20.11.1898.jpg
Rjupeungarne av Olav Sletto, Joletre

1909

Foto: Eva Almhjell

I årsmøtet i Olav Sletto selskapet 16. juni 2012 takka Arne Skogheim for seg som styreleiar. Han ga eit attendeblikk på det dei har fått til under hans leiarskap sidan starten i 2001. Ideen om eit Olav Sletto selskap vart lansert av Jul Haganæs hausten 2000, og Skogheim framheva Kaare Wensaas si viktige rolle då ideen vart følg opp

og selskapet oppretta. Det er m.a. gitt ut årshefte for kvart år med gode artiklar om Olav Sletto og hans forfattarskap. Årsmeldingar har likeså vore gitt ut årleg. I 2011 vart 125 års dagen for Olav Slettos fødsel markert med jubileumshefte og jubileum i Sletto. Arne Skogheim avslutta som styreleiar med å gi heile samlinga si på i alt 42 bøker av Olav Sletto til Hol bygdearkiv, der den som vil kan lesa dei, men ikkje låne dei. Nyvald styreleiar, Eva Almhjell, og Kåre Olav Solhjell, veteran i styret, takka Arne Skogheim for innsatsen hans som styreleiar.

A Skogheim_Olav Sletto selskapet – eit attersyn_tekst

Referat frå årsmøtet 160612

Referat frå styremøte 16 6 12

Biletminne – årsmøte Olav Sletto-selskapet 16.6.12

Foto: Eva Almhjell

Olav Sletto selskapet takka i årsmøte 16. juni 2012 Knut V. Seim hjarteleg for bokgava han overrekte Holet bibliotek i møtet. Den rause gava er den komplette samlinga

av bokverket Norsk Ordbok, i alt 12

bind. 10 av dei er komne ut, dei to siste kjem dei to neste åra.

Foto: Eva Almhjell

Olav Sletto-selskapet ynskjer alle medlemmer velkomne til årsmøte laurdag 16. juni 2012 kl. 1200 på Vika

Eldresenter i Hol. Dagsorden og anna nytt om selskapet fins

i Medlemsbrev 2 – 2012

Knut V. Seim i Hovet gir det 12-bind store bokverket Norsk Ordbok vederlagsfritt til Olav Slettoselskspet. Seim tinga verket som lærarstudent på begynnelsen av 1950-talet. Det Norske Samlaget starta utgjevinga med eit hefte over det norske folkemålet og det nynorske skriftmålet i 1950. Per i dag er det kome ut 9 av i alt 12 bind i serien, som i sin heilskap er donert til Olav Sletto selskapet. Bind 11 kjem i 2013, bind 12 i 2014, ved 200 års jubileet for 1814. Bøkene blir å finne i Olav Sletto-samlinga ved bibliotekfilialen i Hol. Der, i Olav Sletto si heimbygd, syns den rause givaren at bøkene høyrer heime. Styreleiar Arne Skogheim takkar hjarteleg for den storfelte gava. Bøkene

vil bli overrekt under årsmøtet i Olav Slettoselskapet 16. juni 2012.

Vi kjem attende til saka då, men viser også til fyldig artikkel i Hallingdølen, torsdag 3. mai 2012.

Bildet: Solrenning sett frå Hallingskravet. Foto: Eva Almhjell

No er årboka for 2002 og årshefta for åra 2004-2011 publisert. Årboka kom på slutten av 2002 og var eit stort lyft for Olav Sletto-selskapet, difor var det inga utgjeving i 2003. Det er Britt-Mari Sletto som har stått for scanning og publisering av alle dokumenta. Det er mykje interessant lesing her,

seier ho. Du finn dei under Styret og Årshefter i venstremenyen. Foto: Eva Almhjell

Olav Sletto selskapet ynskjer medlemer og lesarar

fagre påskedagar. Foto: Eva Almhjell

M.a. vart tekstutval frå Olav Sletto si bok Per Stavlang grundig gått igjennom.

I styremøtet 10.3.2012var leiar Arne Skogheim, Britt-Mari Sletto, Kåre-Olav Solhjell og Eva Almhjell. Referatet finn du under Styret/møteplan i venstremenyen. Bildet viser Kåre-Olav Solhjell som kommenterer tekstutval gjort av Eva Almhjell. Ho held fram med det vidare arbeidet med manuset. Foto: Eva Almhjell.

På nettsida vår finn du oversyn over det som finst i Sletto-arkivet på Hol bygdearkiv. Her er mykje å finna for dei spesielt interesserte!

Eit døme: Universitetsbibliotekar Jan Olav Gatland i Bergen skriv bok om Olav Dalgard. I Sletto-arkivet finst det brev frå Dalgard

til Sletto som Gatland har fått kopi av.
Foto: Eva Almhjell

Olav Sletto selskapet har donert bøker av Olav Sletto til Bardøla høyfjellshotell sin lesekrok.

Hol kommune er nasjonalparkkommune og Geilo har status som nasjonalparklandsby. Bardøla høyfjellshotell markerer dette ved å laga ein lesekrok med litteratur knytt til nasjonalparkstatusen. Olav Sletto sine bøker høyrer heime i denne lesekroken,

og som gåve frå Olav Sletto-selskapet har Bardøla fått nokre Sletto-bøker og stoff om selskapet. Biletet: Arne Skogheim, Olav Sletto-selskapet med bokgåve til Borgny Thorsrud, Bardøla høyfjellshotell. Foto: Bardøla